حصريا ناسا تتيح مكتبة برمجياتها للجميع مجانا / كنز من الصور والفديوهات والصوتيات والبرمجيات \ وبدون حقوق نشر

بسم الله الرحمن الرحيم

فى  المقال دا إن شاء الله هنشرح الدعامة فى النبات وتصنيفها إلى دعامة فسيولوجية ودعامة تركيبة وهنركز فى المقال على ( الدعامة الفسيولوجية ) :

👈 ايه اللى هيحصل لو سبت وتركت حبة بازلاء ( بسلة) على رخامة المطبخ مثلا شهرين تلاته ؟؟

هنلاقيها بقت مجعدة كدا وجافة .

⬅️ طب لو حطينا نفس حبة البازلاء ( البسلة ) في إناء فيه ميه !! هتنتفخ وتعود إلى حجمها الطبيعي تقريبًا مرَّة أخرى ،

 طب ايه السبب فى انكماش حبة البازلاء وانتفاخها مرة تانية ؟ ( فقدان الماء أو اكتسابه )

دا 👆👆 مثال بسيط  على طريقة الدعامة النموذجية في خلايا النبات.

خد بالك يا دكتور 

البشر والعديد من الحيوانات عندهم هيكل عظمي لدعمهم، لكن النباتات معندهاش هذه الخاصية. 

علشان كدا النبات هيحتاج  إلى آليات دعم أخرى للحفاظ على خلاياها وشكلها وحمايتها بصفةٍ عامَّةٍ. 

⚪⚪ فى طريقتين تَستخدِمهما النباتات للحفاظ على شكلها وتركيبها وهما: الدعامة الفسيولوجية والدعامة التركيبية.

⚪ الدعامة الفسيولوجية دعامة مؤقَّتة لأنها بتَعتمد على محتوى الميه في الخلية علشان تحافظ على شكلها 🌹. 

⚪ أمَّا الدعامة التركيبية فهي أكثر استدامة ( دائمة ) لأنها بتعتمد على تَرَسُّب المواد الصُّلبة في أجزاء معيَّنة من النبات.

خد بالك يا دكتور /

الشكل (١) اللى فوق دا ( خلية نباتية نموذجية  ) وتقدر تشوف فيها :

 الجدار الخلوي، والفجوة العصارية، والغشاء الخلوي .

لاحظ

 🔵 الجدران الخلوية للنباتات عبارة عن طبقات تركيبية صلبة تُحيط بالغشاء الخلوي للنباتات. 

🔵 وغالبا الفجوة العصارية في خلية النبات بتكون عبارة عن تركيب كبير مملوء بسائل يُطلَق عليه «العصارة الخلوية»، التي تتكوَّن من الماء والمواد المُذابة، مثل السُّكَّريات أو الإنزيمات. 

ويُمكن تخزين الكثير من الماء في الفجوة العصارية، 

وكل ما حجم الماء المُخزَّن فى الفجوة العصارية يزداد هتَنتفخ الخلية .

متنساش :

إن خلايا النبات تتجعَّد وتنكمش زى ما حصل في البازلاء، لما يقلُّ الماء المتوافر في المنطقة المُحيطة بها. 

وكدا هيؤدى إلى ذبول النبات. ولما الماء يتوفر حول الخلية ( خارج الخلية) هيتنقل الماء إلى داخل النبات عبر الغشاء الخلوي من خلال الخاصية الأسموزية. 

🔵 خد بالك يا دكتور وركز أوى فى النقطة اللى جايه دى :

فى حالة لو هيكون تركيز الماء منخفضًا داخل الخلايا يبقى  تركيز المواد المُذابة مرتفعًا؛

علشان كدا  هيَنتقل الماء من برا الخلية من  المنطقة المُحيطة بالخلية النباتية إلى داخل فجوتها العصارية. 

وحاليا بعد الخطوة دى الفجوة العصارية بقت تحتوي على كمية أكبر من الميه ، فطبيعى إن حجمها يزداد ؛ وهتُسبِّب ضغطً أكبر على سيتوبلازم الخلية، اللى هيَدفع الغشاء الخلوي نحو الجدار الخلوي. 

وكل دا  هيخلى الجدار يبدو مُنتفخًا، ويصبح انتفاخ الخلية، في هذه المرحلة كبيرًا.

لاحظ الكلام دا فى الصورة دى 👇 وركز كدا 

نستنتج مع بعض بقى تعريف مصطلح انتفاخ الخلية 

هذه العملية مؤقَّتة. ولو أُصيب النبات بالجفاف بسبب عدم حصوله على كمية كافية من الماء، فستَفقد الخلايا الماء. ويؤدِّي فقدان الماء من الفجوة العصارية إلى ابتعاد الغشاء الخلوي عن الجدار الخلوي؛ حيث يتعرَّض لضغط أقلَّ. وهذا الأمر يقلِّل من انتفاخ الخلية، وهو ما يَجعل الخلية تنكمش وتتجعَّد في النهاية، كما هو مُوضَّح في الشكل (2) إلى فوق . وعندما ينكمش العديد من خلايا النبات بهذه الطريقة، فإن هذا يتسبَّب في ذُبول النبات بالكامل، وخاصَّةً أوراقه، كما هو موضَّح في الصورة الآتية

تم بحمد الله ملخص الدعامة الفسيولوجية فى النبات 

( مقال ١ - ٣ث ) 🌹